Sun’iy changlatish (yoki qo‘lda changlatish) — gul changini changchilardan urug‘chilarga odam tomonidan ko‘chirish usuli. U tabiiy changlanish imkonsiz yoki istalmagan hollarda qo‘llanadi.

Usullari
Gul changini changchidan urug‘chiga ko‘chirishning turli usullari mavjud:
- asboblar yordamida (masalan, paxta tamponi yoki kichik mo‘yqalam bilan);
- bevosita: gultoji oldindan olib tashlangan erkak gulni urg‘ochi gulning gineseyi (гинецей) bo‘ylab yurgizish yoki ikki jinsli gullarda (masalan, pomidorda) shunchaki silkitish orqali.
Qo‘llanilishi
Bu changlatish usulidan foydalanishning asosiy sabablari — tabiiy changlatuvchilarning yo‘qligi, navlar o‘rtasidagi chetdan changlanishni nazorat qilish hamda yangi navlar va duragaylar yaratishdir.
Biroq bular yagona sabablar emas: har bir ekin turida ushbu usulni qo‘llashning o‘ziga xos sabablari bor. Masalan, xurmo palmalarida erkak o‘simliklar uchun alohida joy ajratmaslik maqsadida qo‘lda changlatish qo‘llanadi.
Qo‘lda changlatish ko‘p mehnat talab qilgani sababli, u faqat kichik miqyosda qo‘llanadi. Masalan, undan kichik bog‘ egalari yoki ayrim o‘simliklarni yetishtiruvchilar foydalanadi.