Chinchechak virusi haqida

Tabiiy chechak virusi
Ilmiy tasnifi
Guruh:
Oliy takson (realm):
Podsholik:
Turkum:
Chitovirales
Kenja oila:
Tur:
Tabiiy chechak virusi
Xalqaro ilmiy nomi
Variola virus
Baltimor bo‘yicha guruhi
I: ikki zanjirli DNK viruslari

Tabiiy chechak virusi (lot. Variola virus) — viruslarning poksviruslar (Poxviridae) oilasiga mansub tur. Virusning ikki tipi farqlanadi: Variola major — tabiiy chechakning asosiy qo‘zg‘atuvchisi, ikkinchisi esa Variola minor. U faqat odamni zararlaydi.

Tavsif

Virionlar 250—300 × 200 × 250 nm o‘lchamli parallelepiped shakliga ega, burchaklari yumaloqlangan. Virus genomi chiziqli ikki zanjirli DNK molekulasidan iborat bo‘lib, 186—187 ming juft nukleotidni o‘z ichiga oladi.

Tarqalishi

JSST 1980-yilda chechak kasalligi tugatilganini e’lon qilgan. Virusning shtammlari rasmiy ravishda dunyodagi faqat ikkita laboratoriyada saqlanadi: «Vektor» virusologiya va biotexnologiya davlat ilmiy markazida (Rossiya) hamda Kasalliklarni nazorat qilish va oldini olish markazlarida (AQSH).

2014-yil iyul oyida virus saqlangan 6 ta probirka sog‘liqni saqlash institutining Merilenddagi omborida karton quti ichidan topildi. Probirkalardagi virus hayotchanligini saqlab qolgan edi. 24-fevral (2015-yil) kuni topilma JSST vakilining nazorati ostida yo‘q qilindi.