Antineytron nima

Antineytron (n¯0)
Oilasi fermion
Guruh antinuklon (antinucleon), antizarra (antiparticle), adron (hadron), barion (baryon), N-barion (N-baryon), nuklon (nucleon)
Ishtirok etadigan o‘zaro ta’sirlar kuchli yadroviy o‘zaro ta’sir, kuchsiz yadroviy o‘zaro ta’sir, elektromagnit o‘zaro ta’sir va gravitatsion o‘zaro ta’sir
Zarracha n0
Massa 939,565346(23) MeV, 1,674927211(84)⋅10−27 kg, 1,00866491597(43) a.m.b.
Yashash vaqti 885,7(8) s
Kashf etilgan 1956-yilda proton–antiproton to‘qnashuvlari vaqtida Bevatron tezlatkichida LBNL laboratoriyasida Bryus Kork tomonidan[inglizcha]
Kvant sonlari
Elektr zaryadi 0
Barion soni -1
Spin 1/2 ħ
Izotopik spin (isospin) 1/2
G‘alatilik (strangeness) 0
Maftunkorlik (charm) 0
Boshqa xususiyatlar
Kvark (quark) tarkibi u¯d¯d¯
Parchalanish sxemasi p−+e++νe

Antineytron — antizarra bo‘lib, neytronga qarama-qarshi zarra hisoblanadi. Neytron kabi antineytronning ham nolga teng elektr zaryadi. Uning massasi neytron massasiga teng, magnit momentlari ham kattalik jihatidan teng, ammo ishoralari qarama-qarshi.

Antineytron 1956-yilda proton–antiproton to‘qnashuvlari vaqtida Bevatron tezlatkichida LBNL laboratoriyasida Bryus Kork tomonidan kashf etilgan[inglizcha]. Nishon yadrolari bilan to‘qnashganda, antiproton o‘zining manfiy zaryadini yadro protonlaridan biriga berishi (yoki undan musbat zaryad olishi) mumkin. Bunda neytron–antineytron jufti hosil bo‘ladi. Antineytron hosil bo‘lganining tasdig‘i — keyinchalik uning annigilyatsiyasi (annihilation) neytron bilan yoki boshqa yadroning protoni bilan sodir bo‘lishidir. Antineytronning o‘zi iz qoldirmaydi (masalan, fotografik emulsiyalarda), biroq annigilyatsiya vaqtida bir nechta zaryadlangan zarracha hosil bo‘ladi va ularning izlari bir nuqtadan chiqadi.