Samsung Galaxy S25 turkumi

Samsung Galaxy S25
Samsung Galaxy S25+
Samsung Galaxy S25 Ultra
Samsung Galaxy S25 Edge
Samsung Galaxy S25 FE
Изображение логотипа
Ishlab chiqaruvchi Samsung Electronics
Seriya Galaxy S
Aloqa texnologiyalari 2G / 3G / 4G LTE / 5G NR
Chiqarilgan sana 7-fevral, 2025-yil (2025-02-07)
Bog‘liq modellar Samsung Galaxy Z Fold 7
Samsung Galaxy Z Flip 7
O‘lchamlari
  • S25: 146,9 mm (5,8 ″) Balandligi 70,5 mm (2,8 ″) Eni 7,2 mm (0,28 ″) Qalinligi
  • S25+: 158,4 mm (6,2 ″) Balandligi 75,8 mm (3,0 ″) Eni 7,3 mm (0,29 ″) Qalinligi
  • S25 Ultra: 162,3 mm (6,4 ″) Balandligi 79 mm (3,1 ″) Eni 8,6 mm (0,34 ″) Qalinligi
Og‘irligi
  • S25: 162 g (5,7 oz)
  • S25+: 190 g (6,7 oz)
  • S25 Ultra: 232 g (8,2 oz)
Operatsion tizim Dastlabki: Android 15 bilan One UI 7.0. Joriy: Android 16 bilan One UI 8.5
Protsessor Qualcomm Snapdragon 8 Elite (barcha hududlarda)
Grafika Adreno 830
Tezkor xotira
Flesh-xotira
  • S25: 256/512 GB UFS 4.0
  • S25 Ultra: 512 GB/1 TB UFS 4.0
SIM-karta 1× yoki 2× Nano-SIM va 2× eSIM
Batareya
  • S25: 4000 mA·soat
  • S25+: 4900 mA·soat
  • S25 Ultra: 5000 mA·soat
Quvvatlash
  • S25: 25 W simli, 15 W simsiz
  • S25+/Ultra: 45 W simli, 15 W simsiz
  • Barcha modellar: Teskari simsiz PowerShare 5.0 W
Displey
  • S25: 6.2" Dynamic AMOLED 2X FHD+ (2340×1080), 120 Hz LTPO, 2600 nit
  • S25+: 6.7" Dynamic AMOLED 2X QHD+ (3120×1440), 120 Hz LTPO ProScaler
  • S25 Ultra: 6.9" Dynamic AMOLED 2X QHD+ (3088×1440), 120 Hz LTPO ProScaler
Kamera
  • S25/S25+: 50 MP f/1.8 OIS (keng burchakli) + 12 MP f/2.2 120° (ultra keng burchakli) + 10 MP f/2.4 3x yaqinlashtirish (telefoto)
  • S25 Ultra: 200 MP f/1.7 OIS (keng burchakli) + 50 MP f/3.4 5x periskop-telefoto + 12 MP f/2.2 120° (ultra keng burchakli)
  • Barcha modellar: 8K@60fps, Super HDR 10+, Nightography Pro
Old kamera 12 MP f/2.2 Dual Pixel AF, 4K@60fps HDR
Ulanish interfeyslari
Boshqa xususiyatlar
  • Galaxy AI 2.0: real vaqt rejimidagi tarjima (Real-time Translation Pro), sun’iy intellekt yordamida suratlarni yaxshilash (AI Photo Enhancer)
  • Ultra: Titan ramka, ichiga o‘rnatilgan S Pen
Havolalar Samsung Galaxy S25
Samsung Galaxy S25 Ultra
Логотип Викисклада Wikimedia Commons mediafayllari

Samsung Galaxy S25 — bu yuqori toifadagi smartfonlar bo‘lib, Android operatsion tizimida ishlaydigan hamda Samsung Electronics tomonidan ishlab chiqilgan, ishlab chiqarilgan va sotiladigan flagman Galaxy S turkumi tarkibiga kiradi. Ular birgalikda Samsung Galaxy S24 turkumining vorislari hisoblanadi. S25, S25+ va S25 Ultra modellari 22-yanvar, 2025-yil kuni Galaxy Unpacked tadbirida San-Xose shahrida, Kaliforniya shtatida taqdim etildi va 7-fevral, 2025-yil kuni sotuvga chiqarildi. Bundan tashqari, Samsung Galaxy S25 Edge smartfoni ham e’lon qilindi. Ushbu smartfon 30-may, 2025-yil kuni rasman sotuvga chiqdi.

Modellar qatori

Samsung Galaxy S25 turkumi 4 xil smartfon modelini o‘z ichiga oladi: Samsung Galaxy S25, Samsung Galaxy S25+, Samsung Galaxy S25 Ultra va Samsung Galaxy S25 Edge. Samsung Galaxy S25 Edge — Galaxy S25 turkumidagi eng yupqa smartfon bo‘lib, nomidan tashqari Galaxy S Edge turkumi bilan hech qanday umumiy jihatga ega emas.

S25 va S25+ ekranlari avvalgi modellari bilan bir xil o‘lchamga ega, S25 Ultra esa ingichkaroq ramkalar tufayli biroz kattaroq ekran diagonaliga ega. Flagman S25 modeli tekis, 6,2 dyuymli (155 mm) displey bilan jihozlangan. S25+ o‘xshash apparat ta’minotiga ega, biroq uning form-faktori kattaroq — 6,7 dyuym (168 mm). S25 Ultra avvalgi modelidan biroz kattaroq bo‘lib, ekranining diagonali 6,9 dyuymni (175 mm) tashkil etadi. S25 Ultra chetlari ham yanada yumaloqlashtirilgan, shu sababli u Galaxy S turkumidagi boshqa smartfonlarga ko‘proq o‘xshaydi. S25 turkumidagi smartfonlar quyidagi chipset asosida ishlaydi: Snapdragon 8 Elite chipseti; S seriyasining oldingi avlodlaridan farqli ravishda, bu chipset butun dunyo bo‘ylab barcha S25 smartfonlarida qo‘llanadi.

Dizayn

S25 va S25+ smartfonlarining korpusi alyuminiydan, orqa paneli esa shishadan tayyorlangan; ularning dizayni avvalgi modellarnikiga o‘xshaydi. Displeyni himoyalash uchun ikkala modelda ham Gorilla Armor 2 oynasi ishlatiladi. Ular 4 (to‘rt) ta standart rangda taqdim etiladi: muzdek ko‘k (Icy Blue), yalpizrang (Mint), to‘q ko‘k (Navy) va kumushrang soya (Silver Shadow). Bundan tashqari, faqat Samsung veb-saytida mavjud bo‘lgan 3 ta qo‘shimcha rang bor: pushti oltin (Pink Gold), marjonrang qizil (Coral Red) va ko‘kimtir qora (Blue Black).

S25 Ultra titandan yasalgan korpus va shisha orqa panelga ega; bu jihatdan u S24 Ultra’ga o‘xshaydi. S25 Ultra 4 ta standart rangda taqdim etiladi: titan-kumush-ko‘k (Titanium Silver Blue), titan-qora (Titanium Black), titan-oq-kumush (Titanium White Silver) va titan-kulrang (Titanium Grey). Shuningdek, faqat Samsung veb-saytida mavjud bo‘lgan 3 ta qo‘shimcha rang bor: titan-yashil nefrit (Titanium Jade Green), titan-jet qora (Titanium Jet Black) va titan-pushti oltin (Titanium Pink Gold).

Texnik xususiyatlari

Displey

S25 turkumidagi telefonlarda «Dynamic LTPO AMOLED 2X» displeyi qo‘llaniladi. U HDR10+ texnologiyasini qo‘llab-quvvatlaydi, 120 Hz yangilanish chastotasi va 2600 nit eng yuqori yorqinlikni ta’minlaydi. Bundan tashqari, S25 va S25+ telefonlarida displeyni himoyalash uchun Corning Gorilla Glass Victus 2 himoya oynasi, S25 Ultra’da esa Corning Gorilla Glass Armor 2 oynasi ishlatiladi. Barcha telefonlar ekran ostiga o‘rnatilgan ultratovushli barmoq izi skaneriga ega.

Kamera

Galaxy S25 va S25+ keng burchakli 50 MP sensor, 10 MP telefoto obyektiv, 3 karra yaqinlashtirish bilan va ultra keng burchakli 12 MP sensor bilan jihozlangan.

Boshqa tomondan, S25 Ultra keng burchakli 200 MP sensor, 50 MP periskop-telefoto obyektiv, 5 karra yaqinlashtirish bilan, 10 MP telefoto obyektiv, 3 karra yaqinlashtirish bilan va ultra keng burchakli 50 MP sensor bilan jihozlangan.

Uchala model ham 12 MP old kamera bilan jihozlangan.

Xotira

Oldingi avlodlardan farqli ravishda, barcha Samsung Galaxy S25 telefonlari 12 GB tezkor xotira bilan chiqariladi.

Dasturiy ta’minot

Galaxy S25 telefonlari Android 15 va Samsung One UI 7. Samsung kompaniyasi 7 yil davomida S25 turkumidagi telefonlarga operatsion tizim va xavfsizlik yangilanishlarini taqdim etishni va’da qilgan (bu qo‘llab-quvvatlash 2032-yilda yakunlanishi mumkinligini anglatadi).

Qurilmalar, shuningdek, Samsung’ning Galaxy qurilmalari uchun mo‘ljallangan ilg‘or sun’iy intellekt funksiyalari to‘plami — Galaxy AI bilan ham ta’minlangan. Nisbatan yangi texnologiya bo‘lgan Galaxy AI bu yili S25 turkumi bilan birga yangi yangilanishlarga ega bo‘ldi.

2025-yil sentabr oyida u One UI 8.0 versiyasiga Android 16 bilan yangilandi. .

2026-yil may oyida u yirik yangilanish sifatida One UI 8.5 versiyasini Android 16 QPR2 asosida oldi.

S Pen

Ultra versiyasidagi S Pen Bluetooth qo‘llab-quvvatlashidan mahrum bo‘ldi; bu qaror keskin tanqid qilinmoqda.

Havolalar